Enniwilin Pworaus Fän Iten Ewe Sukulen Alfalfal

Ikkeei ekkewe kapas eis aramas repwe pölüeni atun ewe Sukulen Afalafal fän iten ewe wiiken August 27, 2007. Ewe sukul overseer epwe emmweni ewe enniwilin ekkewe pworaus lon ekkewe afalafal seni ekkewe wiiken July 2 tori August 27, 2007. Ttaman epwe 30-minich.

LAPALAPEN AFALAFAL

1. Ifa ussun sipwe pwäralo süföl ngeni aramas lupwen sia afalafal me pwal lon ewe mwichefel? [be p. 192 par. 2-4]

2. Lupwen sia apasa meefiach, ifa ewe mettoch mi aüchea epwe pwäralo ach lükü? [be p. 196 par. 1-3]

3. Met repwe älisikich ach sipwe kapas pwotete lupwen sia afalafal ngeni ekkoch? [be p. 198 par. 1-5]

4. Ifa ussun ach pwäratä süföl a pwal weneiti ach afalafal ngeni ekkoch lon fansoun mi fich? (SalF. 25:11) [be p. 199 par. 1-3]

5. Lupwen sia eäni ach afalafal, met sipwe föri pwe epwe eü minen apöchökkül ngeni chon aüseling? [be p. 203 par. 3–p. 204 par. 1]

AFALAFAL NA. 1

6. Pwata sia silei pwe makken Isikiel we ewe puken Isikiel, me a kapachelong lon tettelin ekkewe puken Paipel mei pwüng me enlet masouan? [si p. 133 par. 3]

7. Ifa eü lapalap mei lamot ngeni emön an epwe likiitü fän riäfföü mwääl? [w05 6/1 p. 29 par. 4]

8. Met sia käeö seni napanapen än Jises pölüeni an ekkewe Satusi kapas eis ussun manausefäl? (Luk 20:37, 38) [be p. 66 par. 4]

9. Ifa ussun kopwe pölüeni än emön chon käeö are pwiich we kapas eis ussun met epwe föri ren eü osukosuk are eü mettoch a weneiti i? [be p. 69 par. 4-5]

10. Ifa ussun sipwe ‘amurinnosefalli ngunun letipach’? (Ef. 4:23) [be p. 74 par. 4]

ÄLLEÄÄN PAIPEL

11. Lon Isikiel 9:2-4, iön ewe mwän a üföüf echö üf mi pwechepwech a tupuni me met ewe “asisil won chamwer” a essillatä? [w88 9/15 p. 14 par. 18]

12. Ifa ussun ekkewe nöüwis lon ekkewe lamalamen Krisentom ra ussun chök “ekkewe soufos mi tiparoch ra osuni seni pusin letiper,” ussun a awewetiu lon Isikiel 13:3? [w99 10/1 p. 13]

13. Lupwen ra eäni ewe “mwiitun” mi mak lon Isikiel 18:2, met chon Israel ra sotuni le föri me ifa ewe lesen ussun ach sipwe etittin ren en me an föfför? [w88 9/15 p. 18 par. 10]

14. Met weween än Isikiel ese ‘silei kapas,’ atun an a fis maun ngeni Jerusalem me an a talo? (Is. 24:27; 33:22) [w03 12/1 p. 29]

15. Iö we “Kok” lon ewe fönü Makok, me inet epwe maun ngeni nöün Jiowa kewe aramas? (Is. 38:2, 16) [w97 3/1 p. 14 par. 1–p. 15 par. 3]