Enniwilin Pwóróus fán iten ewe Sukulen Angangen Chón Kraist

Ikkeei ekkewe kapas eis repwe pélú lón wiiken August 27, 2012. A fen makketiw lón eú me eú kapas eis ránin án ewe mwichefel pwóróus wóón.

1. Lón án Isikiel lángipwi, met Chón Juta mi rikiló a liosuetá, me menni lesen sia káé seni? (Is. 8:15-17) [July 2, w07 7/1 p. 20 par. 6]

2. Ifa usun lap ngeni ekkewe néúwisin lamalam ikenái ra áppirú ekkewe soufós chofona lón fansoun Isikiel? (Is. 13:3, 7) [July 9, w00 2/1 p. 13 par. 14-15]

3. Me ren ewe oesini mi mak lón Isikiel 17:22-24, ewe “efoch fasaran mi pwüküfö” a liosuetá ié, met weween “eu chuuk mi tekia” ikewe ie a fótetiw wóón, me ifa usun epwe wiliiti “efoch irä setar mi fokun mürina”? [July 16, w07 7/1 p. 19 par. 8]

4. Pwata letipechoun Jesus a kan aururukich? [July 23, bh sópwun 7 par. 5, 6]

5. Ifa usun ewe pwóróus lón Isikiel 21:18-22 a pwáraatá pwe ese wor aramas me chón láng mi ngaw epwe tongeni siwili minne Jiowa a tipeni? [July 30, w07 7/1 p. 21 par. 6]

6. Lón Isikiel 24:6, 11, 12, met ewe kama mi paarang a liosuetá, me ifa ewe kapasen emmwen sia kúna lón wokisin 14? [Aug. 6, w07 7/1 p. 21 par. 4]

7. Ifa usun pwóróusen án Lasarus manawsefál a ánnetatá pwúngún alón Än Salomon Afalafal 9:5? [Aug. 6, bh sópwun 7 par. 11]

8. Met weween Keena, me ié kewe repwe nónnóm lón? [Aug. 13, bh sópwun 7 par. 20]

9. Ineet ewe Isip a péénnúló lón úkúkún 40 ier, me ifa ach we pisekin ánnet pwe ena mettóch a fis? (Is. 29:8-12) [Aug. 13, w07 8/1 p. 28 par. 5]

10. Ié kewe ra kapachelong lón án Jesus “mwich mi kisikis,” iwe, iir fitemén? [Aug. 20, bh sópwun 7 par. 23]