Áeá Ekkeei Afalafal

Le Poputááni Káéén Paipel lón ewe Áeúin Ammól fán July

“Lap ngeni aramas aua fós ngeniir, ra mochen kúna kinamwe wóón ei fénúfan. Nge a chúen fiffis maun. Met meefiom, pwata aramas rese kúna kinamwe?” Mut ngeni an epwe pélúweni. Mwirin áiti ngeni lúkúnúppen ewe Leenien Mas, minen June 1 me pwóróusfengen wóón ewe áeúin kapas eis me pwal mwaren eú ekkewe wokisin mi makketiw. Anéúnéú ewe puk me akkóta le liwinsefál pwe oupwe pwóróusfengen wóón ewe oruuen kapas eis.

Chechchemeni: Oupwe eáni ena pwoomw lón July 6 atun ewe mwichen afalafal.

Ewe Leenien Mas June 1

“Aua ekis chuuri aramas lón ei sóópw pwe aupwe fós ngeniir usun ewe osukosuk ra kan kúkkúna. Chómmóng aramas ra pwisin kúna lón manawer pwe a wor lifilifil aramas. Ka ekieki nge mi wor eú leeni wóón ei fénúfan ikewe ese wor lifilifil aramas ie? [Mut ngeni an epwe pélúweni.] Nengeni ekiekin Kot usun aramas meinisin. [Álleani Föför 10:34.] Ei Leenien Mas a áweweei ifa usun Kot epwe áwesaaló lifilifil aramas tori feilfeiló.”

Pwóróus Allim Seni Kot!

“Aua chuuri ekkewe famili lón leeniom ei pwe aupwe áiti ngenikemi eú pwóróus mi apéchékkúl seni Paipel. Chómmóng aramas aua fen fós ngeniir, ra eis ika pwata ewe Kot mi tong a tongeni mutatá riáfféú mi lap wóón ei fénúfan. Met meefiom, Kot a tipeni seni lepoputáán pwe aramas repwe kúna riáfféú?” Mut ngeni an epwe pélúweni. Suuki ngeni Lesen 5 me álleani, me pwóróusfengen wóón ekkewe ruu parakraf akkomw me ekkewe wokisin lesópwólóón ekkena parakraf. Anéúnéú ewe brochure me akkóta le liwinsefál me pwóróusfengen wóón ewe oruuen kapas eis mi makechon.