Met Kopwe Féri Atun Ekkewe Holiday?

Pokiten chómmóng aramas ra nóm lón imwer kewe atun án lamalam kewe me mwú holiday pwe rese angang, iwe fán chómmóng a éch lón ekkena atun ach sipwe fiti ewe angangen afalafal. Ekkewe mwichefel ra angei pesepes le féri eú kókkótun afalafal fán iten ena holiday. Ika chómmóng aramas lón ach we leenien afalafal repwe nelómmang, iwe epwe éch ika epwe siwil kulokun ewe mwichen afalafal. Lón ewe mwich epwe wor eú esilesil atun ewe Káitin Chón Afalafal pwe chón ewe mwichefel repwe silei ekkewe kokkotun afalafal atun holiday me pesei meinisin ar repwe fiti ika ra tongeni. Ewer, atun holiday sia kan asésé are féri pwisin ach kewe angang. Nge pwata kese fen awora fansoun le afalafal lón ena rán? Iwe, kopwe pwapwaiti ewe apéchékkúl mi pop seni óm fiti ewe angang mi pin.—Mat. 11:29, 30.