Menlapen Pwóróusen Afalafal

Kkanoto chék, ekkewe chón afalafal lón Moen Chuuk, ra onómu leenien ekkewe puk ikewe aramas ra tongeni kúna me ie atun ra wareiti ewe fénú ren ar repwe ló bank me sitowa. Iwe, a mmen amwarar án aramas pwapwaiti ei esin afalafal! Chómmóng mi ssá wóón tarakú ra kaúló me tingor néúr kapiin ekkewe puk. Ekkóch mi piin káé Paipel me lóóm ra tingor ika repwe tongeni káésefál. Ekkewe ekkóch ra apasa pwe ra mochen fiti ach kewe mwich. Lón úkúkún 2 esopw awa ekkewe chón afalafal ra anéúnéú 270 magazine, 10 puk, me 20 brochure.