Köl 3 (6)

Uweifeili ewe Kapas Allim

(Pwarata 14:​6-8)

1. Emon chonlang a pwellifeili fonufan.

A atapwal le uwei an Kot we Kapas.

A era: ‘Alinga, niuokkusiti Kot,

O fel ngeni Jiowa, angang ngeni chok.

Pun iei a fen tori an Kot we fansoun;

Arapakan ir mi ingau repwe kapwung.’

Ina minne ekkewe chon afalafal

Resap niuokkus, pwe pworacho meinisin.

2. Ewe aruuemonun chonlang a era:

“Chon Pwarata Jiowa repwe pwarata:

‘Papilon mi Lapalap a fen turutiu;

Arapakan Jiowa epwe atailo.’”

Jiowa Kot a fen alluku pwe sipwe

Aitochu itan me pwarata an we song.

Iwe, ewe angangen ras mi lapalap,

Nge ewe chonlang mi akkas mi nouch meilap.

3. Ewe Noun aramas me ekkewe chonlang

Ra poputa le apwungu ekkewe muu.

Oput mi ngau. Fori mi pwung, noun kewe siip.

Alleasochisi an Kot kewe alluk.

Mei wor wisach ach sipwe afalafala

‘Ewe kapas allim’ mi pop seni Paipel.

Iwe, sipwe pesei aramas meinisin:

“Ou etto, fel ngeni Jiowa ren chengel.”