Köl 12 (32)

“Seni Imwach Ngeni Imwer”

(Fofor 20:⁠20)

1. Seni imwach ngeni imwer,

Sipwe afalafal.

Seni sopwuch ngeni sopwur,

Amongou noun Kot siip.

Pwonutaan an Kraist o’sini,

Muun Kot a nemenem,

Mi rongfeil won ei fonufan

Ren Chon Kraist meinisin.

2. Seni imwach ngeni imwer,

Esilei amanau.

A tori ir mi kokkori

Iten Jiowa we.

Ifa ussun repwe kori

Ika rese silei?

Ina minne sipwe uwei

Itan ngeni imwer.

3. Esap lon imwer meinisin

Aramas repwe rong;

Ekkoch resap etiwakich,

Ekkoch repwe fen song.

Ussun chok lon ranin Jises,

Sap meinisin ra rong.

Noun siip chok ra rong leuwan;

Iwe, sisap kkuf ren.

4. Iwe, sa lo ngeni imwer,

Uwei kapas allim.

Ika ir siike are siip

Epwe pwisin wiser.

Aronga iten Jiowa,

Pwarata an enlet.

O atun sa afalafal,

Sipwe kuna noun siip.