Köl 14 (34)

Sipwe Aitochu Itach We

(Aisea 43:​10-12)

1. Jiowa Kot ka unusen tekia,

Mi unusoch om we pwung o om tong.

Koten enlet en mi ur ren tipatchem,

En mi ach Sou Nemenem me lon lang.

Chommong chonlang ra pwapwa lon ar angang;

Lingochun foriom ra mwareituk.

Ka eita ngenikem noum Chon Pwarata;

Amwo sipwe aitochu itach we!

2. Alisikem le eani ach fansoun le

Mwareiti itom, amongou noum siip,

Angangochulo lon ach afalafal,

Pwal alleasochisi om alluk.

Sipwe tumunu ach kewe foffor pwe

Sisap mwo aitengaua itom we.

Mi lap ach feiochun pwarata ussum;

Amwo sipwe aitochu itach we!

3. Lon ach foffori om angang auchea,

Sipwe tipeeu lon tong, kinamwe.

Sa menemenoch ren minne a nom rech;

Letipach mi ur ren pwapwa chapur.

Sipwe aitochulo itach feilfeilo;

Esileifeili porausen manau;

Lap seni meinisin sipwe apwapwai

Letipom, O Jiowa, ach we King!