Köl 24 (50)
Sipwe Polueni An Kot We Tong
1. Esor mi lap sonuk, Kot; O am aua tongeok
Jiowa, mi fich ngonuk itoch.
Sa mwareiti itom we, om kapas mi enlet pwe
Sipwe sileilo om kewe aal.
Ka pwarata umoumoch nge mei pwal wor om pwungoch,
Tipatchem, enlet, o manaman.
Ika mi limoch letipach, sipwe kuna feioch.
Sa eani lukuluk won Paipel.
2. En ka fen tongeikem ren Kraist; amwokutukem le
Pwarata am tong enlet ngonuk.
Ren an epwe epinalo itom we, Kraist a feito;
A pwal ngenikem manaufoch.
Esor och tong mi lap seni an emon fangelo manauan
Fan iten aramas. Pwe ausap
Poutmwaalilo, aupwe appiru noum chon Mas;
Auselinga leuwan, an fon.
3. Ei otot esap erikikich seni ach kapas
Ewe enlet ussun om we Muu.
Sa fangefatelo seni letipach mi ur ren tong
Pwe sipwe appiru om chen.
Ren ach angangfengen sa pwarata ach tongfengen,
Iwe, anneta pwe kich noun Kraist.
Sa tapweilo mwirin I le kutta akkom Muun we
Pwe sipwe rong an “Mei murinno.”