Köl 77 (174)
Nennelo, Uppos, Pochokkulelo
1. Mammasa, oupwe pochokkul!
A fis eu maun mi pwung.
Tipen mwan, ousap achanu.
Chon oput kich repwe kkuf.
Jises Kraist a ussun Kition.
Sia pwellifeili Mitian.
Sipwele eani puchorun maun.
Chon oput kich repwe su.
2. Mammasa pwal ononoto,
Muttir alleasochis.
Ukkutta lon leeniom we,
Auseling ngeni Jises.
Seni ach atola an foffor
Sipwe sileifichi wisach we.
Ussun mwichen maun mi tipeeu,
Sipwe tuppwol ngeni Kot.
3. Mammasa o mosonottam;
Kopwe witi Jiowa
Pun nemenian mi unus;
Esap tongeni kon mmang.
Ussun noun Kition aramas,
Ulupuku mwan mi tinikken,
Sia auselinga ach meilap,
Alingalo iten Kot.
4. Mammasa, oupwe tipeeu.
Apasa kapas allim.
Anomu fan nemenemen
Ach we Muu mi nom lon lang.
Sipwe puchor ren noun Kot kewe:
‘An Jiowa maun me Kition!’
Mammasa o pochokkulelo!
Likiitu lon an Kot maun!