Ifa Usun Sia Akkaüseling ngeni Kot?

Atun sia älleani ewe Paipel, usun itä nge Kot a fos ngenikich. 2 Timoti 3:16

Ewe Kot mi enlet a emmweni aramas ar repwe makketiw ekiekin kewe lon eü puk mi fel. Ina ewe Paipel. A masou ren pworaus mi lamot Kot a mochen kopwe silei.

Kot a silei met epwe öchitikich, pun i Popun tipatchem. Ren om aüselinga i, kopwe emön mi enletin tipatchem.​—Än Salomon Fos 1:5.

Kot a mochen pwe aramas meinisin woon fönüfan repwe älleani ewe Paipel. Iei a kawor lon chommong fosun fönüfan.

Ika ka mochen aüseling ngeni Kot, iwe, kopwe älleani me weweiti ewe Paipel.

Aramas ekis meinisin ra akkaüseling usun Kot. Mattu 28:19

Chon Pwäratä Jiowa ra tongeni älisuk le weweiti ewe Paipel.

Ra äiti ngeni aramas ewe enlet usun Kot woon unusen fönüfan.

Ese kamö ena angangen käit. Ka pwal tongeni käeö usun Kot lon än Chon Pwäratä Jiowa kewe leenien mwich.