KINIKIN 5
Atun ewe Noter, Iö kewe Ra Aüseling ngeni Kot? Iö kewe Rese Aüseling?
Lape ngeni aramas lon ränin Noa we ra föfföri minne mi ngaw. Keneses 6:5
Atam me If ra nöünöü, me aramas ra chommongolo woon fönüfan. Mwirin och fansoun, ekkoch chonläng ra fiti Setan le ü ngeni Kot.
Ra feitiw fönüfan me äeä inisin aramas pwe repwe tongeni pwülüweni fin fönüfan. Ekkewe fefin ra nöünatiw ät mi kkolo pöchökküler me mwänesolur.
Ewe fönüfan a urolo ren aramas mi föfföringaw. Ewe Paipel a apasa: “Än aramas föföringau a fokun wattela won fonüfan, nge ekiekin leluker a chök ngauala fansoun meinisin.”
Noa a aüseling ngeni Kot, me a fala ewe waimw. Keneses 6:13, 14, 18, 19, 22
Noa emön mwän mi mürinnö. Jiowa a esile ngeni Noa pwe I epwe arosalo aramas mi ngaw ren eü noter mi lap.
Kot a ereni Noa pwe epwe fala efoch waimw mi watte, me epwe walong an we famili me sokkopaten man lon.
Noa a öüröüra aramas usun ewe Noter epwe fis, nge rese aüseling. Ekkoch ra takiri Noa; nge ekkoch ra oput i.
Atun a wes ewe waimw, Noa a panalong ekkewe man lon.