Ekkewe mi Máló Repwe Tongeni Wesewesen Manawsefál?
Met meefiom . . .
ewer?
aapw?
neman?
MINNE EWE PAIPEL A APASA
“Repwe manausefäl seni mäla.”—Föför 24:15, Paipel are Testamentin Lom me Testament Söfö.
IFA USUN ENA PWÓRÓUS EPWE ÁLISUK
Oururukich atun attongeach ra sópwóló.—2 Korint 1:3, 4.
Álisikich ach sisap niwokkusiti máló.—Ipru 2:15.
Ngenikich ápilúkúlúkún kúnasefáli attongeach kewe mi máló.—Johannes 5:28, 29.
KICH MI TONGENI WESEWESEN LÚKÚ MET PAIPEL A APASA?
Ewer, ikkeei úlúngát popun:
Kot ewe Chón Awora manaw. Ewe Paipel a eita ngeni Jiowa Kot ewe “lepopun manau meinisin.” (Kölfel 36:9; Föför 17:24, 25) Ewe Emén mi awora manaw ngeni ménúmanaw meinisin, i chék pwal ewe a tufichin aworasefáli manaw ngeni emén a fen máló.
Kot a fen amanawatá aramas me lóóm. Ewe Paipel a apasa pwe mi wor walimén aramas, weween sáráfé, chinnap, mwán, me fefin, ra manawsefál seni máló me wóón fénúfan. Ekkóch ra máló ren mwochomwochen fansoun, nge emén a fen nónnóm lón peiás rúáánú rán!—Johannes 11:39-44.
Kot a wesewesen mochen an epwe fissefál. Jiowa a oput máló. Me ren, máló a usun emén chón oput. (1 Korint 15:26) Jiowa a mochen an epwe okkufu ena chón oput, i epwe amóeló máló ren ewe manawsefál. A mwétéresiti an amanawasefáli chókkewe ra nónnóm lón ekiekin.—Hiop 14:14, 15.