Kél 137
Kopwe Ngenikem Ám Pwora
Atun aua afalafal,
Usun Mwú me itom we,
Chómmóng ra eriáfféúkem
Me sótun esiitakem.
Ausap niw ren aramas,
Aupwe álleasochisuk.
Aua tingoreok óm manaman;
Jiowa aúselingakem.
(CHORUS)
Kopwe ngenikem ám pwora,
Kopwe atufichikem
Me pwora le afalafal
Pwe meinisin repwe rong.
Armaketon a waroto,
Nge tori ena rán a war,
Kopwe ngenikem ám pwora.
Ei ám tingor.
Ikaamwo aua niwokkus,
Me aua apwangapwang.
Aua lúkúlúk wóón óm pwon
Pwe kopwe álisikem.
Chemeni chókkewe mi
Ú ngenikem me oput ám.
Kopwe álisikem le pwora
Le fós fán iten itom we.
(CHORUS)
Kopwe ngenikem ám pwora,
Kopwe atufichikem
Me pwora le afalafal
Pwe meinisin repwe rong.
Armaketon a waroto,
Nge tori ena rán a war,
Kopwe ngenikem ám pwora.
Ei ám tingor.
(Pwal ppii 1 Tes. 2:2; Ipru 10:35.)