Watchtower ONLINE LIBRARY
Watchtower
ONLINE LIBRARY
Chuuk
  • PAIPEL
  • PUK
  • MEETINGS
  • ypq kapas eis 7 p. 21-23
  • Met Upwe Féri ika Ua Kúna Sóssótun Lisowu?

Ese wor video fán iten ei kinikin.

Omusaaló, a wor osukosuk le eppietá ewe video.

  • Met Upwe Féri ika Ua Kúna Sóssótun Lisowu?
  • Pélúwen 10 án Kúkkún me Sáráfé Kapas Eis
  • Pwal Ekkóch
  • Pworaus ngeni Nöümi kewe Usun ewe Föfförün Lisowu
    Ewe Leenien Mas a Esilefeili án Jiowa We Mwú—2010
Pélúwen 10 án Kúkkún me Sáráfé Kapas Eis
ypq kapas eis 7 p. 21-23
Emén nengngin ese etiwa án emén alúwél mochen lisowu ngeni

KAPAS EIS 7

Met Upwe Féri ika Ua Kúna Sóssótun Lisowu?

PWATA A LAMOT?

Óm kefil usun lisowu epwe wesewesen kkúú manawom lón mwachkkan.

MET KOPWE FÉRI?

Anchangei mwo ei: Heather a kerán chék kammwet ngeni Mike ren úkúkún ruu maram nge a meefi pwe a fen silefichi Mike. Ra kan textfengen, fósfengen wóón phone ren fitu awa, me ra pwal mwo nge taitap wóón met ra ekiekin apasa.

Lón ekkena ruu maram, Mike me Heather ra kan chék kamwéchúpéú me ekis kiss, nge Mike a pwal mochen féri lap seni ena. Iwe Heather ese mochen, nge ese mochen epwe asonga Mike. Me ese pwal wor emén me lúkún Mike a kan ámmeef ngeni pwe a mmen liéch me nie súfél. Me iei met a pwisin ekieki: ‘Ina chék ii pwe ám me Mike aua fókkun tongofengen . . . ’

Ika en Heather, met kopwe féri ika ka naffún néúnéú kammwet?

KAÚLÓ ME EKIEKI!

A eáni sof eché úf

Féfférún lisowu ina eú liffang seni Kot fán iten chék ekkewe mi pwúpwúlú. Lisowu mwen pwúpwúlú a angawaló aúchean ena liffang. Usun chék óm eáni sof eché úf mi fókkun ling emén a liffang ngonuk

Ika ka oturuketiw me wóón efóch irá me sótun chang usun emén machchang, iwe kopwe feiengaw. Pwal ina usun efeiengawen óm álleasolapa allúkún Kot ren manaw mi liméch usun met ei wokisin a apasa: “Unusen ngas seni sokun föförün lisowu.”—1 Tesalonika 4:3.

Ifa sópwongawen án emén álleasolapa ena allúk? Paipel a apasa: “Ousap fokun föri sokun föförün lisowu! . . . Nge are eman aramas a föri föförün lisowu a tipis ngeni püsin inisin.” (1 Korint 6:18) Ifa usun emén a tongeni tipis ngeni pwisin inisin ren an tipisin lisowu?

Ekkewe soukútta pwóróus ra kúna pwe chómmóng sáráfé mi lisowu mwen pwúpwúlú ra meefi eú me lein ekkeei mettóch are fen lap seni.

  • WEIRES. Chómmóng sáráfé mi lisowu mwen pwúpwúlú, ra mengiringir mwirin.

  • LÚKÚLÚKÚMMANG. Mwirin án chókkana lisowufengen repwe tipemwaramwar le ekieki: “Pwal ié átenan are neminnan a lisowu ngeni?”

  • LICHIPPÚNG. Chómmóng nengngin ra tipeni emén epwe túmúnúúr, esap turunufaseer. Nge chómmóng át ra sani ekkewe sókkun nengngin rese chék fitaaló mochenin át.

  • Chemeni ei: Ika ka lisowu mwen pwúpwúlú, iwe ka ekisikisaaló aúchean inisum pokiten ka fen piin féri féfférún lisowu are kese chúen virgin. (Rom 1:24) Inisum a mmen fókkun aúchea iwe kosap fangemwááliló!

Pwári pwe ka tipeppós le ttii sonuk féfférún lisowumwáál. (1 Tesalonika 4:3) Iwe, ika kopwe pwúpwúlú eú rán, ka tongeni féri ewe féfférún lisowu. Me ka tongeni unusen pwapwaiti ei féffér me kosap meefi ekkewe memmeef mi pop seni lisowu mwen pwúpwúlú, choweán lólilen, mengiringir me niwokkus.—Än Salomon Fos 7:22, 23; 1 Korint 7:3.

MET ÓM EKIEK?

  • Itá emén mi enletin tongeok epwe tongeni angawa péchékkúlen inisum me pwapwaan manawom?

  • Itá emén mi enletin chúnguk epwe tongeni sótunuk le atai óm riri ngeni Kot?—Ipru 13:4.

FÁN ITEN CHÉK NENGNGIN

Emén nengngin teenage a mómmóót me ekiek

Chómmóng át ra erá pwe resap fókkun pwúlúweni emén nengngin ra fen piin lisowu ngeni. Pwata? Pún ra mochen pwúlúweni emén esaamwo tori mwán!

Itá ena mettóch a ámáirú ngonuk me eli fen pwal asongok? Iwe chemeni ei: Kachito me TV ra apéchékkúla án sáráfé lisowufengen me ámmeef ngeniir pwe ese wor ngawan me a apwapwa are pwal mwo nge ina esissillen tong enlet.

Kosap michikkái! Chókkewe mi etipetipaók le lisowu mwen pwúpwúlú ra chék ekieki pwisin pwapwaar.—1 Korint 13:4, 5.

FÁN ITEN CHÉK ÁT

Emén át teenage a mómmóót me ekiek

Ika ka kammwet ngeni emén, pwisin eisinuk: ‘Ua wesewesen chúngú nei we kammwet?’ Ika ewer, ifa usun kopwe fókkun pwári ena? A lamot epwe nóm reom ewe péchékkúl le álleasochisi allúkún Kot, ewe tipachem epwe túmúnúkemi fán sóssót me ewe tong mi pwári pwe ka akkomwa minne a lamot ngeni.

Ika a nóm reom ekkena napanap, iwe ese mwáál meefien noum we kammwet epwe usun meefien ewe fépwúlún Sulam mi amwéchú liméchún, a erá: “Aüküki me ren, ngang nöün, nge aükükün me rei, i nei.” (Än Salomon Köl 2:16) Weween epwe fókkun lapóló an tongeok!

ÁLILLIS

Ika emén a michuuk pwe kopwe lisowu ngeni me erá: “Ika ke tonge ei, kopwe kan mut ngeniei.” Kopwe tuwenewen le ereni: “Ika ke fen tonge ei, kosap fen erá ena!”

Iei eú emmwen mi múrinné kopwe chemeni ika ka nóm ren noum we kammwet: Kosap tongeni féri och mettóch kese mochen án semom kewe me inom repwe kúna óm féri.

AI KÓKKÓT

  • Met kopwe féri ika emén a erenuk pwe a mochen kopwe lisowu ngeni?

  • Ineet atun a kon weires ngonuk óm kopwe apasa aapw?

  • Ifa usun kopwe sú seni ekkena sóssót repwe fis?

    Meinisin mi Peres lón Fósun Chuuk (1987-2025)
    Log Out
    Log In
    • Chuuk
    • Share
    • Preferences
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share