Menlapen Kinikin 9

Ei kinikin epwe áiti ngenikich ussun ekkewe sáráfé, ekkewe soufós, me ekkewe king iir mi pwáári watteen ar lúkú Jiowa. A wor emén kúkkún nengnginin Israel lón Siria a pwáári an lúkú pwe néún Jiowa we soufós a tongeni echikara Naeman. Ewe soufós Elisa a fókkun pwáári an unusen lúkúlúk wóón Jiowa pwe epwe túmúnú i seni ewe mwichen soufiu mi oputa. Ewe Souasor mi Lapalap Jehoiata a pennúkúóló manawan pwe epwe túmúnú ewe ménúkol Joas seni inan we chinnap mi ngaw itan Atalia. King Esekaia a lúkúlúk pwe Jiowa epwe túmúnú Jerusalem, me ese fangetá lupwen ekkewe chón Asiria ra eniwokkusur. King Josaia a ataieló ekkewe uluulun lón ewe fénú, férsefáli ewe imwenfel, me álisi ekkewe aramas le liwiniti fel mi enlet.