Menlapen Kinikin 12

Jises a asukula aramas ussun ewe Mwú lón láng. A pwal asukuler ar repwe ióteki pinilóón iten Kot we, Mwúún epwe war, me letipan epwe fis wóón fénúfan. Iká en emén sam are in, áiti ngeni noum we lamoten ena iótek ngenikich. Jises ese mut ngeni Setan an epwe atai an túppwél. Jises a fili néún kewe aposel, me iir ra akkomw chóni ena Mwú me ra wiseni wis mi aúchea. Katol án Jises tinikken fán iten fel mi enlet. Pokiten a mochen álisi ekkewe ekkóch, a echikara ekkewe mi semmwen, amwéngééni ekkewe mi echik, me a pwal mwo nge amanawasefáli ekkewe mi máló. Seni meinisin ekkena manaman, Jises a pwáári met ewe Mwú epwe féri fán iten aramas.