KÉL 31
Chiechifengen me Kot!
(Mika 6:8)
1. Chiechi me Kot ren enlet,
Pwáraatá mosonoson.
Kopwe lúkúlúk wóón Jiowa Kot,
Epwe apéchékkúlok.
Nónnóm lón an Kapas mi enlet,
Pwe kesap rikiló.
Kopwe álleasochisi
Atun Kot a emmwenuk.
2. O chiechi me Kot fán pin,
Kákkáé met mi liméch.
Ikaamwo ka kúna watte sóssót,
Nge Kot epwe álisuk.
Mettóch ka tongeni mwareiti,
Ekkewe mi enlet,
Kopwe kan ekkekiekiir,
Pwe ach Kot epwe nóm reom.
3. Chiechi me Kot ren chengel,
Pwapwa pún i Chienom.
Ka kilisou ren liffangom kewe
Me óm feiéch fóchófóch.
O chiechi me Kot ren pwapwa,
Pwári pwapwaom ren kél.
Meinisin repwele silei,
Pwe en néún Jiowa we.
(Pwal ppi Ken. 5:24; 6:9; Fil. 4:8; 1 Tim. 6:6-8.)