Pwóróus fán Iten Chón Fiti

EKKEWE MWICH MI KKÓLÓ AÚCHEAR

ANGANG LÓN BETHEL Ekkewe chón afalafal mi papatais, ieriir 35 feitiw, mi mochen angang lón Bethel, repwe fiti ewe mwich mwirin leolowasen Ammól fán iten chókkewe mi mochen angang lón Bethel. Kulókun me leenien ena mwich epwap apio.

SUKULEN CHÓN AFALAFALA EWE MWÚ Ekkewe pioneer, ieriir lefilen 23 ngeni 65, mi mochen alapaaló ar angangen afalafal, ra ketiw le fiti ewe mwich fán iten chókkewe mi mochen fiti ewe Sukulen Chón Afalafala ewe Mwú mwirin leolowasen Ráninfel. Kulókun me leenien ena mwich epwap apio.

PWÓRÓUS FÁN ITEN CHÓN FITI

ÁLILLIS LE ANGANG Ika ka mochen álillis lón angangen kókkótun ewe mwichelap, kese mochen kopwe esile ngeni ena department.

ASOR A fiti moni kaworen ewe leeni, sound system me pwal ekkewe ekkóch mettóch epwe efisi pwapwaan ewe mwichelap me álisikich le arap ngeni Jiowa. Óm awora asor epwe álisi ewe moni towu me pwal álisatá ewe angang wóón unusen fénúfan. Ren an epwe mecheres ngonuk, a fen wor esissillen ekkewe pwórun asor mi nóm lón unusen ewe leenien mwichelap. Mi fókkun aúchea met ka eáni asor. Ewe Mwichen Soupwúngúpwúng a mochen kilisou ngonuk ren óm kisáseú le álisatá angangen ewe Mwú.

CHÓNETIWETIW Ekkewe chónetiwetiw ra kefilitá pwe repwe álisuk. Iwe, kese mochen unusen tipemecheres ngeniir ren óm álleasochisi ar kókkót usun parking, ikewe chómmóng aramas ra fetál ie, káimulóón leenien móót me pwal ekkóch mettóch.

FIRST AID Kese mochen kopwe chechchemeni pwe ena First Aid fán iten CHÉK ÁKSETEN ME WEIWEITÁÁN SEMMWEN.

LEENIEN METTÓCH MI PÉÚTÚLÓ Meinisin ekkewe mettóch mi péútúló ka kúner, kopwe waló lón ei Leenien Mettóch mi Péútúló. Ika a péútúló pisekum, kopwe ló lón ena department me erá esissillan. Kopwe panaló ngeni ei department ekkewe semirit mi rukoló seni semer me iner. Iwe nge, ena department esap leenien túmún semirit. Kese mochen túmúnúéchú noum kewe me onómuur reom.

LEENIEN MÓÓT Kese mochen ekieki ekkewe ekkóch. Chechchemeni pwe kopwe chék tongeni káimuló leenien móót fán iten ekkewe mi fituk wóón waaom, chón lón imwom are ekkewe ka káé ngeniir. Iwe kesap chúen uwoutá mettóch wóón ekkewe leenien móót.

PAPATAIS Leenien móót fán iten ekkewe repwe papatais, ika ese affat, iwe epwe nóm mwen ewe stage. Ekkewe repwe papatais, repwe móót ikewe mi fen káimuló pwe leenier me mwen an epwe poputá ewe afalafal fán iten papatais lesossorun Ammól. Emén me emén epwe pwisin uwei an towel me úfan mi fich ngeni papatais.