Pworun Kapas Eis
◼ Ifa ewe kokkot fän iten ewe kölün suukun mwich lon ewe Sukulen Afalafal, ewe Service Meeting, ewe Public Meeting me ewe Käeöön ewe Leenien Mas, me iö epwe wisen apasawu ekkena kölün suukun mwich?
Ewe kölün suukun mwich mi filitä ren eü me eü wiiken ewe Sukulen Afalafal ra nom lon ewe Kokkot Fän Iten ewe Sukulen Afalafal lon Ach Angangen Afalafala Ewe Mwu insert, minen October. Ekkewe kölün suukun me wesiloon mwich fän iten ewe Service Meeting lon eü me eü wiik ra mak lon pekin taropwe 2 me lon Ach Angangen Afalafala Ewe Mwu. Pwal ussun chök, ekkewe köl fän iten ewe Käeö lon ewe Leenien Mas lon eü me eü wiik, ra mak lon pekin taropwe 2 lon Ewe Leenien Mas. Ekkena köl mi filitä ir kinikinin ewe mwich ra kefilitä ren. Ina minne, chon emmweni ewe mwich epwe wisen apasawu ewe kölün suukun mwich nge esap ewe chairman fän iten ewe mwich me mwan.
Awewe chök, ewe Sukulen overseer epwe wisen etiwa chon fiti, apasawu ewe kölün suukun mwich, me emmweni ewe sukul. Wesin ewe sukul, epwe körato lon stage ewe äemönün chon afalafal fän iten ewe Service Meeting. Ena brother mi eäni ewe äeüin kinikin epwe wisen apasawu ewe köl le poputään ewe Service Meeting.
Pwal ussun chök, ewe chairman fän iten ewe Public Afalafal epwe wisen suuki ena mwich. I epwe wisen etiwa meinisin chon fiti me etiwer le eäni ewe kölün suukun mwich mi kefilitä me ren ewe chon afalafal. Ewe chairman (are emön brother mi kefilitä me mwan) epwe suuki ewe mwich ren iotek. Mwirin, epwe apasawu ewe itelap me körato ewe chon afalafal. Wesin ewe afalafal, ewe chairman epwe apasawu och kapasen kilisou mi chök mwochomwoch fän iten ewe afalafal nge esap menlapei pworausen ewe afalafal. Epwe esilesil itelapen ewe public afalafal epwe fis lon en wiik, me epwe etiwa meinisin chon fiti ar repwe pwal nonnom fän iten ewe Käeö lon ewe Leenien Mas. Ese lamot ngeni ewe chairman an epwe tingorei ewe mwichefel ika repwe mochen tinalo ar kapong me tong ngeni ewe mwichefel ewe chon afalafal mi ketiw a choni. Mwirin, ewe chairman epwe körato chon emmweni ewe Käeö lon ewe Leenien Mas lon stage.
Ewe chon emmweni ewe Käeö lon ewe Leenien Mas epwe wisen poputäni ewe mwich ren ewe äeüin köl mi filitä fän iten ewe lesen. Epwe emmweni ewe käeö me ren ekkewe emmwen seni ewe mwicheich me mwirin epwe wisen apasawu ewe kölün wesiloon mwich. Ewe chon emmweni ewe Käeö lon Ewe Leenien Mas epwe wisen körato ewe brother mi eäni ewe public afalafal an epwe wisen iotek le sopwoloon ewe mwich.
Ach älleäsochisi ekkeei minen emmwen epwe alükülüküöchü kokkotöchün ach kewe mwich.