Branch Letter

Pwiich kena Chon Afalafal Mi Ächengicheng:

Sia mmen pwapwa le küna feffeitään ewe angangen afalafal lon Merika fän tümünüen ewe United States ofes lon ewe ier 2007! Choochoon ekkewe regular pioneer a tori 103,648 fän December. Nge, ewe territory fän tümünüen ewe Guam ofes a pwal uwaani 2,537 chon käeö Paipel fän September, weween pwe iteiten chon afalafal a käeö ngeni rüüemön. Fän March, lap seni eü na aülüngätin ekkewe chon afalafal ra pioneer, iteiter 225 auxiliary pioneer me 228 regular pioneer.

Lon unusen ekkewe territory lon Merika, arapakkan 51 milion kapiin ewe Kingdom News Na. 37, “Sopwoloon Lamalam Chofona A Arapoto!” a äinetfetäl. Emön sister ese chüen akkafalafal ese tongeni annut kinamwe mwirin an a älleäni ena taropwe. Lon Räninfel mwirin ena, a fiti mwich me tingorei emön pwe epwe käeö ngeni. Ükükün 2,286 aramas mi etiwa ewe Kingdom News ra tingor ewe Keep on the Watch brochure ren ar amasoua ewe kükkün taropween tingor, me a wor ükükün 1,087 chokkewe ra tingor pwe emön epwe käeö ngeniir Paipel.

Popunlapen an a fis ena esin campaign pwe chokkewe mi letip wenechar repwe küna älillis le käeö wesewesen äitien Paipel. (Mt. 28:19, 20) Ina minne, lupwen kopwe feilo afalafal, chechchemeni om kopwe makkei iten ekkewe ra pwapwaiti ewe pworaus, iwe, kopwe pwal chuurisefälliir pwe kopwe poputäni eü Bible study. Am aua pwapwa pwe sia kan angechu lon ei angang mi fokkun lamot, am aua mochen tinalo am kapong me tongen Kraist ngenikemi meinisin.

Pwiimi kewe,

United States Ofes