Met Sipwe Apasa Ussun Ekkewe Chassi

The Watchtower December 2007

“Eü me lein ekkewe mettoch kich aramas sia kon osupwang ren, ina ach sipwe küna tong. Met om ekiek mi lamot ach sipwe asukula nöüch kewe fän tong? [Mut ngeni an epwe pölüeni. Mwirin älleäni 1 Korint 16:14.] A mmen aletipengaü, pun lon chommong famili ikenäi rese chüen küna tong. Ei chassi epwe aweweei ifan ewe tong mi enlet me ifa ussun sam me in repwe pwäratä ena sokkun tong otun ra asukula nöür kewe. Äm aua fiti eü angang a fiffis woon unusen fönüfan nge ese kamö, nge a feffeitä ren monien asor. Ika ka mochen awora monien asor, uwa pwapwa le angei.”

The Watchtower Dec. 15

“Lon fansoun Kirisimas, chommong aramas ra sotuni le pwäratä kirekiröch me tong. Met om ekiek ei fönüfan epwe wiliti eü leeni mi mürinnö ika aramas repwe pwäratä tong lon unusen ier? [Mut ngeni an epwe pölüeni. Mwirin älleäni 1 Piter 3:8.] Ei chassi a aweweei lamoten kirekiröch me a pwal äiti ngenikich ifa ussun sipwe pwäratä ena napanap ngeni aramas.”

Awake! December

“Ekkoch aramas ra meefi pwe mälo ina eü al ngeni pwal och sokkun manau mwirin, nge ekkoch ra lükü pwe ina le sopwoloon manauer. Me ren pwisin om ekiek, mälo eü mettoch sipwe niuokkusiti? [Mut ngeni an epwe pölüeni.] Nengeni ifa meefien Job ren met epwe fis ngeni lupwen epwe mälo. [Älleäni Hiop 14:14, 15.] Ei chassi a äiti ngeni kich ekkewe awewe mi ffatöch seni ewe Paipel ussun met epwe fis ngeni kich lupwen sia mälo.”