Äeäöchü om Fansoun fän iten ewe Angangen Afalafal
1 Mi chuen watte met sipwe föri lon ewe angangen afalafal, me ei fansoun a chök mwochomwoch. (Jon 4:35; 1 Kor. 7:29) Ren ach alamota unusen ewe fansoun sia akkota fän iten ewe angangen afalafal, sipwe akkotaöchü nonnomun manauach.
2 Ammolnatä: Me mwan kopwe fiti ewe mwich fän iten afalafal, uwei ekkewe puk me chassi kopwe nöünöü lon om afalafal, me kopwe fen silei met kopwe eäni afalafal. Mwirin chök ewe iotek, feilo ngeni ewe leenien afalafal. Ina met epwe atufichuk me ekkewe oua angang fengen pwe oupwe tongeni apwönüetä chommong angang lon ewe fansoun mi tufich.
3 Ika ka kefilitä pwe kopwe wisen föri ewe mwich fan iten afalafal, poputä lon chök ena kulok mi affat. Aükükü ewe mwich pwe esap ttam seni 10 ngeni 15 minich. Me mwan ekkewe chon afalafal repwe lo, epwe lamot emön me emön epwe silei ia repwe afalafal ie me iö epwe fiti.
4 Lon ewe Angangen Afalafal: Särin chök ewe mwich fän iten afalafal, poputä le fetäl ngeni ewe territory. Ika ka ekiekin mwittir le wes, kopwe kütta pwisin woom pwe ekkewe lusun repwe tongeni sopwosopwolo lon ar afalafal. Ika ka fiti eü mwich le afalafal, kopwe pwal afanni chienom kewe, ir mi witiwiti wesin om fos ngeni aramas. Awewe chök, ika ka chuuri emön a chök änini ka tongeni omusomus ngeni me feilo, are ka chuuri emön mi etiwa ewe pworaus, föri om kokkot pwe kopwe liwinsefäl.—Mt. 10:11.
5 Atun kopwe föri return visit, kopwe chuuri meinisin ekkewe kopwe liwinitiir ra nonnom lon eü chök leeni pun esap pwal lusmwääl ewe fansoun. Nge eni epwe öch om kopwe kökköri lon fon ekkoch ekkewe kopwe liwinitiir pwe kopwe ffat ika ir mi nom. (SalF. 21:5) Ika ka ekieki pwe epwe ekis ttam om chuuri emön, akkota pwe chienom kewe repwe afalafal kanoto chök are repwe pwal chuuri emön return visit.
6 Sia manau lon ei fansoun mi watte ewe räs lon pekin ngün. (Mt. 9:37, 38) Ekiselo chök ei angang epwele wes. Ina minne, sipwe achocho le äeäöchü ach fansoun lon ewe angangen afalafal.