Branch Letter

Pwiich kana Chon Afalafal mi Ächengicheng:

A mmen apwapwa ewe pworaus a feito fän ewe May seni ach we ofesilap lon New York fän iten ewe Ofesin Kaü Imw. Ewe taropwe a apasa: “Äm aua pwapwa le esile ngenikemi pwe Jared me Marisa Fruciano pwal Travis me Lacey Brooks repwe wisen älisi ewe angangen kaütään Kingdom Hall lon Guam me Micronesia.”

Brother Fruciano epwe wisen emmweni ewe ofesin kaütään Kingdom Hall me Brother Brooks epwe chon älillisin ewe ofes. Fän emmwenier epwele poputä kaütään orun 30 imw ren choweän Kingdom Hall, imwen misineri, me ekkewe ofesin chiyaku pworaus.

Fän September me October, Brother Christopher Broad seni Australia branch epwele poputä le asukula ekkewe chon chiyaku lon fosun Palau. Ekkewe chon chiyaku lon fosun Marshall me Chuuk ra fen sukul me Hawaii. Pohnpei, Kosrae me Yap ra fen pwal küna älillis seni ewe sukul.

Kanoto chök, ewe Mwichen Sou Pwüngüpwüng a fen mut ngenikich ach sipwe mööni ewe leeni ünükkün ewe branch ofes. Ena leeni epwe eü mineföön ofes fän iten ekkewe chon chiyaku lon fosun Chuuk. Ekkewe wonomön chon kaü imw ra feito seni ekis fiti fengen me ekkewe chon angang seni Guam me Micronesia repwe angang woon ewe leeni. Sia pwapwa pwe ekiselo chök, ekkewe chon chiyaku lon fosun Chuuk repwele poputä le angang lon ar we mineföön ofes!

Pwiimi kewe,

Guam Branch Ofes