Met Sipwe Apasa Ussun Ekkewe Puk
Ewe Leenien Mas August 2009
“Chommong aramas ra meefi weires le weweiti nöür Paipel. A pwal ina ussun meefiom? [Aüseling ngeni meefian.] Me ren ei wokisin, ewe Chon Föri ewe Paipel a mochen ach sipwe weweiti me küna feiöch seni an we Kapas. [Älleäni Köl Fel 119:130.] A wor ülüngät kapasen pesepes lon ei puk, epwe älisikich le weweiti ewe Paipel.”
Awake! August
“Ese pwal wor och mettoch mi kon ametek lap seni mäloon semach are inach kewe. En mi tipeeü ngeni? [Aüseling ngeni meefian.] Chommong ra fen küna aurur seni Paipel ussun ei wokisin. [Älleäni Pwäratä 21:4.] Ei pworaus a aweweei ifa ussun sipwe likitü fan weiresin meefiach kewe, äkkäeüin ngeni ekkewe sarafö.” Menlapei ewe pworaus lon pekin taropwe 10.
Ewe Leenien Mas September 2009
“Ekkoch ra apasa pwe meinisin lamalam a ussun chök sokkopaten al sia fetäl woon nge ra feilo ngeni ewe emön chök Kot. Om ekiek pwe meinisin lamalam mi mürinnö? [Aüseling ngeni meefian.] Nengeni met ewe Paipel a apasa. [Älleäni Mattu 7:13, 14.] Ei puk a eiteita ülüngät mettoch ewe Paipel a apasa ewe lamalam mi mürinnö epwe apöchökküla.”
Awake! September
“Ka ekieki pwe ekkewe sarafö ikenäi a fen chommong ar osukosuk lap seni me loom? [Aüseling ngeni meefian.] Chommong ra meefi pwe Paipel a unusen aweweei met a fiffis lon ei fansoun. [Älleäni 2 Timoti 3:1.] Ei puk a äiti ngenikich ekkoch kapasen emmwen lon Paipel epwe älisi ekkewe sam, in me ekkewe sarafö ar repwe likiitü fan ar weires.”