Met Sipwe Apasa Usun Ekkewe Puk

Ewe Leenien Mas November 2009

“Ua mochen silei meefiom ren met ei wokisin a apasa. [Älleani Tuteronomi 32:4.] Ka fen ekieki, ika pwe Kot mi fokkun manaman me pwüng nge pwata chök a watte ewe riäfföü me föfföringaw woon fönüfan? [Aüseling ngeni meefian.] Ei puk a äweweei ewe popun Kot a mutatä föfföringaw an epwe chök sopwosopwolo tori ach ei fansoun.”

Awake! November

Om lükü nge lamalam a awatteelo tong me kinamwe are a fen awatteelo oput me föfförün mwänesol? [Aüseling ngeni meefian.] Usun itä chommong rese apwönüetä än Jises keei kapas. [Älleani Mattu 5:44, 45.] Ei pworaus epwe pölüweni ei kapas eis, Mi tufich ach sipwe tongei ekkewe chon oputakich?” Menlapei ewe pworaus lon pekin taropwe 10.

Ewe Leenien Mas December 2009

Ka ekieki pwe mettoch meinisin sia käeö lon ach lamalam a feito seni Paipel? [Aüseling ngeni meefian.] Ewe Paipel a öüröürakich ach sipwe tümünü pwe site tup ren ekkewe afalafal mi chofona. [Älleani Kolose 2:8.] Ei puk a affataalo wonu afalafal mi ü ngeni än Kot we Kapas.”

Awake! December

“Ekkoch ra lükü pwe emön a föratä unuselapen läng me fönüfan nge ekkoch ra erä pwe a chök eü mwäälinipou pwe esor popun an epwe fis. Met meefiom? [Aüseling ngeni meefian.] Nengeni meefien Paipel. [Älleani Ipru 3:4.] Ei puk a awora pölüwan mi äweweei poputään me ewe popun a för unuselapen läng me fönüfan.”