Met Sipwe Apasa Usun Ekkewe Puk

Ewe Leenien Mas March 2010

“Chommong aramas ra lükü pwe atun ra mälo, repwe feitä läng. Ka pwal eäni ena sokkun äpilükülük? [Aüseling ngeni meefian.] Nengeni met Paipel a apasa usun feiöchün lap ngeni aramas mi pwüng. [Älleani Kölfel 37:29.] Ei puk a äwewefichi met ewe Paipel a apasa usun iö kewe repwe feitä läng, me met repwe föri ikena ie.”

Ewe Leenien Mas March 2010

“Ka meefi pwe föfförün aramas ikenäi a ännetatä pwe sia nom lon ewe fansoun Paipel a kapas usun lon 2 Timoti 3:1-5? [Älleani.] Ei puk a awora kapasen emmwen ren ifa usun sia tongeni älisi chokkewe mi küna kirikiringaw.” Äiti ngeni ewe pworaus lon pekin taropwe 8.

Ewe Leenien Mas April 2010

“Atun aramas ra esissil ika iö a kon iteüöch lon uruwoon aramas, chommong ra apasa pwe Jises. Pwal ina usun meefiom? [Aüseling ngeni meefian.] Nengeni pwata a lamot sipwe etittina än aramas kewe ekiek mi sokkofesen usun Jises. [Älleani Jon 17:3.] Ei Leenien Mas mi kkolo aüchean a affata met Paipel a wesewesen apasa usun Jises me an kewe afalafal.”

Ewe Leenien Mas April 2010

“Ekkoch sou mak ra achöü pwe Jises ese mälo usun met Paipel a apasa, nge ra erä pwe a pwüpwülü me a wor nöün. Ka pwal rong ena? [Aüseling ngeni meefian.] A fokkun lamot sipwe silei enletin ei pworaus. [Älleani Jon 17:3.] Ei puk a affata ewe popun sipwe lükü met ewe Paipel a apasa usun Jises.