Ifa Usun Ewe Paipel a Amürinnölo Manauom

Ewe Paipel a fen älisi fite million aramas le amürinnölo manauer. Ikkefa ekkewe ekkoch kapasen emmwen lon Paipel sipwe apwönüetä pwe repwe älisikich le pwäkini ach kewe osukosuk ikenäi? Ewe DVD, The Bible—A Book of Fact and Prophecy, ewe oruuen kinikinin lon itelapan The Bible—Its Power in Your Life epwe äiti ngonuk pölüwen ena kapas eis asan. Wesin om katol ei DVD, ka tongeni pölüweni ekkeei kapas eis?

(1) Pwata sia tongeni apasa pwe ewe Paipel esap chök eü puk mi fokkun mürinnö? (Ipru 4:12) (2) Ika ewe Paipel a tongeni älisi aramas le amürinnölo manauer, nge pwata a mmen chommong osukosuk a tori aramas? (3) Ifa ewe mettoch Paipel a fokkun itelapei? (4) Ikkefa ekkewe wokisin seni Paipel lon ewe DVD epwe älisi chon pwüpwülü le (a) alapalo ar pwoppworausfengen me (b) nemeni ar song? (5) Ifa usun än Chon Kraist ekiek usun pwüpwülü a amürinnölo manauen famili? (Ef. 5:28, 29) (6) Ifa usun Jiowa a isetiw eü leenien äppirü mi fokkun mürinnö fän iten sam me in? (Mark 1:9-11) (7) Met ekkewe sam me in repwe tongeni föri pwe ar famili käeö epwe eü fansoun mi apwapwa? (8) Met ewe Kapasen Kot a amwökütü sam me in le awora ngeni nöür kewe me lükün ewe kokkotun käeöön Paipel? (9) Ifa usun än ewe Paipel kapasen emmwen epwe tongeni älisi tufichin ekkewe famili ren pekin moni? (10) Pwönütään menni kapasen emmwen lon Paipel usun limöch, äeään säfeien opuchopuch, me aürekin manau epwe ekisaalo semwen? (11) Ikkefa ekkewe pwon lon Paipel repwe tongeni apöchökkülakich? (Hiop 33:25; Kölf. 145:16) (12) Ifa usun äitien Paipel a fen amürinnölo manauom? (13) Ifa usun kopwe tongeni nöünöü ei DVD le älisi aramas?