Áeá Ekkeei Afalafal

Le Poputááni Káéén Paipel lón ewe Áeúin Ammól fán May

“Sia peppesei chón oruch kewe pwe repwe álleani néúr kewe Paipel. Nge chómmóng aramas ra meefi pwe a weires sipwe weweiti ewe Paipel. Ka ekieki pwe mi pwúng ena? [Aúseling ngeni meefian.] Nengeni met ei a apasa.” Áiti ngeni lúkúnúppen ewe Leenien Mas minen April 1 me pwóróusfengen wóón ewe lesen lón ewe áeúin kapas eis me mwaren álleani eú wokisin mi mak lón. Anéúnéú ngeni ena puk me akkóta ineet kopwe liwiniti pwe oupwe pwóróus wóón pwal eú kapas eis.

Ewe Leenien Mas April 1

“Meinisin aua fós ngeni ra nóm fán osukosuk. A efisi án ekkóch aramas repwe ekieki usun aúchean manaw. Me reom ifa ewe populapen ese wor pwapwa ikenái? [Aúseling ngeni meefian.] Ewe Paipel a pwonei pwe Kot epwele áwesi ekkewe osukosuk sia kúkkúna lón ach ei fansoun. [Álleani Pwärätä 21:4.] Ei puk a pwóróus usun ach kewe ápilúkúlúk lón mwachkkan me pwal ifa usun sia tongeni eáni ewe sókkun manaw mi wor aúchean pwal mwo nge lón ach ei fansoun.”