Taropween Etiwetiw mi Kkóló Aúchean
1. Ineet epwe poputá ewe angangen etiwetiw fán iten ewe 2014 mwichelap?
1 Ese mwáál kopwe mwasangasang le etiwa aramas ika ka akkóta eú mwéngéfengen mi kkóló aúchean, ewe a watte angangan me méén, fán iten chiechiom are chón óm famili. Pwal ina chék usun ren ach we 2014 mwichelap lón summer me mwichelapen aramas seni sókkópaten fénú, a pwal watte angangan le ammólnatá ekkewe mettóch epwe fis lón ena mwéngéfengen lón pekin lúkú. Úlúngát wiik mwen ewe mwichelap, a wor wisach mi aúchea le etiwa ekkewe ekkóch le fiti. Met epwe álisikich le etiwa aramas fán mwasangasang?
2. Met epwe amwékútúkich le unusen fiti ewe angangen etiwetiw?
2 Ach ekilonei úkúkún álillis sia pwisin angei seni ewe kametip lón pekin lúkú Jiowa a awora lón ach kewe mwichelap, epwe amwékútúkich le unusen fiti ewe angangen etiwetiw. (Ais. 65:13, 14) Sipwe pwal chechchemeni pwe a sópwéch ewe angangen etiwetiw mi fiffis iteiten ier. Ekkóch me lein ekkewe sia etiwer repwe fitikich lón ewe mwichelap. Ach tinikken atun ewe angang epwe mwareiti Jiowa me pwári an fangafangéch ese lifilifil ika fitemén repwe fiti ewe mwichelap.—Kölf. 145:3, 7; Pwär. 22:17.
3. Ifa usun ewe taropween etiwetiw epwe einet?
3 Eú me eú kúmiin mwán mi ásimaw epwe apwúngaló kókkótun án ewe mwichefel eineti ekkewe taropween etiwetiw, kapachelong ika repwe likitatiw ewe taropwe lón ewe imw ese nóm chón are einet ia chómmóng aramas ra nónnóm ie nge epwe lón án ewe mwichefel leenien afalafal. Lón Ammól me Ráninfel ewe Leenien Mas epwe pwal anéúnéú ika mi fich. Ika ewe angangen etiwetiw a sereni ewe áeúin Ammól, iwe epwe akkomw ena angangen einet lap seni ewe angangen poputááni káéén Paipel. Wesin ena angang, a ifan me watteen ach pwapwa le silei pwe sia mwasangasang le fiti me etiwa chómmóng aramas le fitikich lón ewe kametip lón pekin lúkú Jiowa a awora!