Áeá Ekkeei Afalafal

Le Poputááni Ekkewe Káéén Paipel lón ewe Áeúin Ammól fán December

“Aua etto pwe mi wor álillis ngeni ekkewe famili. Chómmóng sam me in ra mochen néúr kewe repwe tongei Kot. Óm lúkú nge iei eú mettóch sam me in ra tongeni áiti ngeni néúr kewe are ekkewe nau repwe pwisin káé le tongei Kot?” Aúseling ngeni meefian. Áiti ngeni lúkúnúppen ewe Leenien Mas minen December 1 me pwóróusfengen wóón ewe pwóróus fán ewe áeúin kapas eis me mwaren álleani eú me lein ekkewe wokisin. Anéúnéú ngeni ewe Leenien Mas me akkóta óm kopwe liwin pwe oupwe pwal pwóróusfengen wóón ewe oruuen kapas eis.

Ewe Leenien Mas December 1

“Aua ekis chuuri aramas pwe sipwe kapas usun Kot. Aua silei pwe meinisin a wor pwisin ar kewe memmeef usun Kot. Ka meefi pwe lap ngeni aramas ra ekieki pwe Kot a usun och manaman nge esap wesewesen emén are a usun emén chiechi mi tongei aramas? [Aúseling ngeni meefian.] Ei wokisin seni Paipel a áiti ngenikich ewe sókkun riri Kot a mochen epwe wor lefilach me i. [Álleani James 4:8a.] Ei puk a apwóróusa úlúngát mettóch sia tongeni féri pwe sipwe meefi ach arap ngeni Kot.”