Ámecheresaaló Nónnómun Manawach A Álisikich le Mwareiti Kot

Ikenái, a mecheres ach sipwe aosukosuka nónnómun manawach ren chómmóng mettóch. A lamot fansoun me péchékkúl le kútta, mééni, áeá me túmúnúéchú pisekich kewe. Jesus a ámecheresi nónnómun manawan pwe pisek esap aosukosuka i seni an angangen afalafal.​—Mat 8:20.

Ifa usun ka tongeni ámecheresaaló nónnómun manawom pwe ka tongeni alapaaló óm angangen afalafal? Ren ekis chék ekkesiwil, emén me lein chón leimwom a tongeni fiti angangen pioneer? Pwal mwo nge ika iei ka fiti angangen full time, ka kan mummut ngeni pisek ar repwe aosukosuka manawom? Eú manaw mi mecheres nónnómun lón ewe angang ngeni Jiowa, ina eú manaw mi apwapwa me kinamwe.​—1Ti 6:7-9.

Makkeetiw alen kopwe ámecheresi nónnómun manawom.