Ka Alamotaéchú JW.ORG Card?

A chék arapakkanoto ewe riáfféú mi lapalap, iwe ewe angangen afalafal a atapwalapwal. (SF 24:11, 12, 20) Sia tongeni néúnéú ewe card pwe epwe álisi aramas le álleani Paipel me tétá wóón JW.ORG. Lón ena card a wor eú code epwe áiti ngeniir ewe video Pwata Kopwe Káé ewe Paipel? me suuk ngeniir ar repwe tingor pwal ekkóch pwóróus are eú káéén Paipel. Ekkóch aramas nikinikin rese mochen néúni néúch kewe puk nge ra mochen tétá wóón ach we website. Kosap pireir le ngeniir ewe card. Iwe nge, kesap likiti ewe card ngeni chókkewe rese pwári ar mochen aúseling.

Iteitan atun ka kan ataweei och angang, ka tongeni amwasangaatá an emén mochen ren óm erá: “Mi wor ei card ua mochen ngonuk epwe áituk eú website a wor pwóróus me video usun sókkopaten itelap nge rese kamé.” (Jo 4:7) Pokiten ekkena card ra chékúkkún, ka tongeni uwei ekkóch pwe kopwe anéúnéú ngeni aramas iteitan a tufich.