Chechchemeni Pwúlúwen Lot We

Pwata pwúlúwen Lot we a nesefál atun an we sú seni Sotom? Paipel ese affata. (Ken 19:17, 26) Nge met Jesus a eáni éúréúr a pwári pwe neman a kon ekieki pisekin kewe a fen likitaló. (Luk 17:31, 32) Ifa usun sipwe túmúnú pwe esap péút senikich án Kot chen usun met a fis ngeni pwúlúwen Lot we? Sisap mut ngeni ach kútta ach sipwe nónnóméch epwe akkomw lón manawach. (Mat 6:33) Jesus a áiti ngenikich pwe sise “tongeni angangepök ngeni Kot me wöün fanüfan.” (Mat 6:24) Nge met ika sia esilla pwe tongen pisek a etiaaló ach angang ngeni Kot? Sipwe iótek ngeni Jiowa me tingor mirit pwe sipwe kúna ia sipwe tongeni féri ekkesiwil lón manawach ie me pwal tingor pwora me péchékkúl le féri ekkena ekkesiwil.

CHEMENI EKKEWE ÚLÚNGÁT VIDEON REMEMBER THE WIFE OF LOT, MWIRIN PÉLÚWENI EKKEEI KAPAS EIS:

• 

  Ifa usun ewe etipetipaen angei moni watte a etipetipa án Gloria ekiek, kapas me féffér?

• Ifa usun pwóróusen pwúlúwen Lot we a eú minen éúréúr fán itach ikenái?

• Ifa usun Joe me an famili ra kúna álillis seni ar apwénúetá án Paipel kapasen emmwen?

• Ifa usun án Anna chiechi ngeni chienan kewe chón angang a efeiengawa an riri ngeni Kot?

• Pwata a lamot pwora atun aramas ra etipetipakich le akkomwa moni lón manawach?

• Ifa usun Brian me Gloria ra akkomwasefálli ar angang ngeni Kot?

• Sia káé menni án Paipel kewe kapasen emmwen lón ei video?