PWÓRÓUS AÚCHEA SENI KAPASEN KOT | KENESES 32-33

Ka Éttúres ren Óm Kopwe Feiéch?

32:24-28

Ren ach sipwe angei feiéch seni Jiowa, a lamot sipwe tinikken le akakkomwa ewe Mwú lón manawach. (1Ko 9:26, 27) Jakop lón an chinnap a pwári ewe esin napanap mi lamot ngeni Chón Kraist ren ar repwe apwénúetá wiser. Sia pwári ach éttúres le kúkkútta ewe feiéch seni Jiowa ren ach . . .

Ammólnatáéchú fán iten ach kewe mwich
Fiffiti ewe angangen afalafal
Achocho le álisi ekkewe ekkóch lón ach we mwichefel

Sasing: Emén inelap fépwúl mi chómmóng met e kan féri. 1. A iótek me mwen an epwe poputááni an angangen ewe rán. 2. A amwéngééni néún we ménúkol me mwen repwe ló fiti afalafal. 3. A pwapwa lón ewe angangen afalafal iir me néún kewe rúúemén nengngin me ekkewe fefin seni lón an we mwichefel.

Kopwe ikkiótek án Jiowa epwe álisuk ese lifilifil úkúkún weires kopwe nóm fan, me tittingor epwe efeiéchú óm angang weires fán itan.

PWISIN EISINUK, ‘Met kewe upwe achocho ngeni lón manawei pwe upwe kúna feiéch seni Jiowa?’