Ka Tongeni Áeá Óm Fansoun me Péchékkúl?

Usun met Aisea a fen oesini, sia kúkkúna watteelóón án Jiowa we mwicheich wóón fénúfan lón ei fansoun lap seni me lóóm. (Ais 54:2) Ina minne, a lamot kaútáán mineféén Leenien Mwich, Leenien Mwichelap, me keangen ofesilap. Mwirin kaútáán ekkena imw, a lamot angangen túmún ngeniir, me ló, ló, ló neman a lamot ar repwe fférsefál. Ifa usun ei mettóch a suuki ngenikich alen ach sipwe áeá ach fansoun me péchékkúl ngeni Jiowa?

• Sia tongeni fiti ach we kúmiin afalafal atun a tori an schedule le wisen limeti ewe Leenien Mwich

• Sia tongeni fiti ewe minen train fán iten túmúnún ach we Leenien Mwich

• Sia tongeni amasoua ewe taropwe itan Local Design/Construction Volunteer Application (DC-50) pwe sipwe tongeni álillis lón angangen kaútáán me túmúnún ekkewe imw lón leeniach

• Sia tongeni amasoua ewe taropwe itan Application for Volunteer Program (A-19) me álillis úkúkún eú wiik are lap seni lón ekkewe leeni mi nóm fán túmúnúen ach we keangen ofesilap are lón pwal eú keangen ofesilap

KATOL EWE VIDEO A NEW CONSTRUCTION PROJECT IS BEING PLANNED​—EXCERPT, MWIRIN PÉLÚWENI EKKEEI KAPAS EIS:

• Pwata a fókkun lapóló ach néúnéú video seni 2014?

• Ren ach sipwe alapaaló fférún ekkewe video, menni angangen kaú a kkótóló, me ineet epwe poputá?

• Ifa usun chókkewe mi mochen álillis lón ei angang ra tongeni álillis?

• Ika sia mochen álillis lón ewe angangen kaú lón Ramapo, pwata sipwe amasoua ewe application (DC-50) me pwal álillis lón án ewe Local Design/Construction kewe angangen kaú lón leeniach?

• Met a pwáraatá pwe Jiowa a kan ekkemmweni ei angang?

• Ifa usun sia tongeni álisatá ei angang inaamwo ika sise tongeni fiti?