Sam me In, Elipwákéchú Néúmi Kewe ren Ámi Asukuler

Sia manaw lón ei ótót aramas ra ekieki pwe minne mi éch a ngaw, nge minne mi ngaw a éch. (Ais 5:20) Nge a alólilen pwe ekkóch aramas ra féri ekkewe féffér Jiowa a oputa, kapachelong ewe féfférún sikepwach lefilen mwán me mwán me fefin me fefin. Chienen néúch kewe lón sukul are pwal ekkóch aramas, neman repwe sótun etipetiper le áppirú féfférúr. Ifa usun kopwe ammólnatá noum kewe pwe repwe sópwéch le okkufu ekkeei esin sóssót?

Elipwákéchú noum kewe ren óm áiti ngeniir án Jiowa kewe kapasen emmwen. (Lif 18:3) Ekis me ekis, kopwe áiti ngeniir met Paipel a apasa usun lisowu. Minne kopwe áiti ngeniir epwe lóngólóng wóón úkúkún ieriir me minne ra tongeni weweiti. (Tut 6:7) Pwisin eisinuk: ‘Ua fen asukula ngeni nei kewe epwe ifa napanaper lón ar pwár ngeni aramas ar tongeer, lamoten ar repwe túmúnú napanapen fouter, me lamoten án ekkewe ekkóch repwe súféliti inisiir? Nei kewe ra silei met repwe féri atun emén a sótun áiti ngeniir sasingin me kachitoon kapasingaw are ereniir ar repwe féri och mettóch Jiowa a apasa pwe a mwáál?’ Ar silei ekkena esin mettóch me mwan, a tongeni túmúnúúr seni feiengaw. (SF 27:12; SA 7:12) Óm asukula noum kewe semirit, ka pwári óm tongei ei liffang mi aúchea seni Jiowa.​—Kf 127:3.

KATOL EI VIDEO BUILD A HOUSE THAT WILL ENDURE​—SAFEGUARD YOUR CHILDREN FROM “WHAT IS EVIL,” MWIRIN PÉLÚWENI EKKEEI KAPAS EIS:

• 

  Pwata ekkóch ra pireir le asukula néúr kewe usun ewe mettóch lisowu?

• 

  Pwata a lamot án ekkewe sam me in repwe ákkáiti néúr kewe ren ar “fönöör o öüröürer lon ach Samol”?​—Ef 6:4

• 

  Met án Jiowa we mwicheich a awora pwe epwe álisi ekkewe sam me in le asukula néúr kewe usun ewe mettóch lisowu?​—w19.05 12, pwóór

• Pwata a lamot ámi oupwe pwóppwóróus me néúmi kewe iteitan me mwen án ekkewe osukosuk repwe ppiitá?