Filatá le Angang Ngeni Jiowa

Ika en emén kúkkún are teenage kesaamwo papatais are en emén chón káé Paipel, ka achocho ngeni óm kopwe papatais? Pwata a lamot óm kopwe achocho pwe kopwe papatais? Óm fangóló manawom ngeni Jiowa me papatais, ina alen óm kopwe eáni eú riri mi kkóló aúchean ngeni Jiowa. (Kf 91:1) Repwe pwal emmwen ngonuk manaw esemuch. (1Pe 3:21) Ifa usun ka tongeni tikeri ekkena mettóch?

Anúkúnúkú ngonuk pwe iei ewe enlet. Ika mi wor óm kapas eis, kútta pélúwan seni lón néúch kewe puk me metakkan. (Ro 12:2) Kopwe etittina ekkewe ekkesiwil mi lamot kopwe féri, me pokiten ka mochen apwapwaai Jiowa kopwe achocho le apwénúetá. (SF 27:11; Ef 4:23, 24) Kopwe tingor an álillis iteitan. Kopwe lúkúlúk pwe Jiowa epwe fókkun apéchékkúlok ren an we ngún mi fel mi manaman. (1Pe 5:10, 11) Óm achocho epwe sópwéch. Óm angang ngeni Jiowa ina ewe alen manaw mi múrinné seni meinisin!—Kf 16:11.

KATOL EI VIDEO THE ROAD TO BAPTISM, MWIRIN PÉLÚWENI EKKEEI KAPAS EIS:

• Met a eppeti ekkewe ekkóch ar repwe papatais?

• Ifa usun kopwe ámááraatá ewe esin lúkú mi lamot ngonuk pwe kopwe tongeni fangóló manawom ngeni Jiowa?

• Met a amwékútú ekkóch le féri ekkewe mettóch mi lamot pwe repwe fich ngeni papatais?

• Ikkefa ekkewe feiéch a tori chókkewe mi filatá le angang ngeni Jiowa?

• Met weween án emén fangóló manawan me papatais?