Áeá Kapas Áwewe

Atun sia liwiniti chókkewe sia kerán afalafal ngeniir are káé ngeni emén chón káé, a lamot sipwe álisiir le weweiti ekkewe pwóróus mi lamot. Ren ach áeá kapas áwewe lón ach áweweei ekkewe pwóróus mi lamot, sia tongeni achchúngú letiper me epwe mecheres ngeniir le chechchemeni minne ra káé.

Atun óm ammólnatá minne kopwe fós ngeni ewe emén kopwe liwiniti are emén noum chón káé, filatá ekkewe pwóróus mi lamot ka mochen eáni kapas áwewe wóón, nge esap ekkewe ese kon weneiti ewe lesen. Mwirin filatá eú kapas áwewe mi mecheres mi lóngólóng wóón met mi fiffis lón manawach rán me rán. (Mat 5:14-16; Mar 2:21; Luk 14:7-11) Kopwe ekieki nónnómun ewe emén ka fós ngeni me minne a kan féfféri. (Luk 5:2-11; Jo 4:7-15) Ika ka kúna wówóón wóón mesan pwe a weweiti ewe pwóróus, iwe kopwe fókkun pwapwa.

KATOL EI VIDEO EXPERIENCE THE JOY OF DISCIPLE-MAKING​—IMPROVE YOUR SKILLS—​ILLUSTRATING KEY POINTS, MWIRIN PÉLÚWENI EKKEEI KAPAS EIS:

• 

  Pwata a lamot álillis ngeni ekkewe chón káé ar repwe weweiti ekkewe wokisin lón Paipel?

• 

  Ifa usun Neeta a áweweei masouen Rom 5:12?

• 

  Ifa usun ach kapas áwewe mi múrinné a tongeni álisi ewe emén sia káé ngeni?

• Lón ach angangen afalafal, pwata a lamot sipwe néúnéú ekkewe video me ekkewe pwal ekkóch minen asukul án Jiowa we mwicheich a awora?