Tongfengen lón Famili

Tong a usun och glue mi apachafengeni eú famili. Ika ese wor tong lón eú famili epwe weires ngeniir ar repwe tipeeúfengen me angangfengen. Ifa usun ekkewe mwán me fefin pwúpwúlú, me pwal sam me in repwe pwári tong lón ar famili?

Emén mwán mi tong epwe ekieki usun osupwangen pwúlúwan we, minne a ekieki, me minne a meefi. (Ef 5:28, 29) Epwe awora ngeni an famili minne mi lamot ngeniir lón pekin aion me pekin lúkú, kapachelong an féri ar Famili Fel iteitan. (1Ti 5:8) Emén fefin mi tong epwe álleasochisi pwúlúwan we me “meniniti.” (Ef 5:22, 33; 1Pe 3:1-6) A lamot iir me rúúemén repwe okkomusaló tipisin emén me emén iir. (Ef 4:32) Ekkewe sam me in mi tong repwe áfánni emén me emén néúr kewe me áiti ngeniir ar repwe tongei Jiowa. (Tut 6:6, 7; Ef 6:4) Met sókkun weires a tori néúr kewe me lón sukul? Met ra féri atun ra kúna etipetip seni chiechier kewe? Ika a wor watteen tong lón ewe famili, meinisin chón lón repwe meefi túmún me núkúnúkéch.

KATOL EI VIDEO DISPLAY UNFAILING LOVE IN YOUR FAMILY, MWIRIN PÉLÚWENI EKKEEI KAPAS EIS:

• 

  Ifa usun emén mwán mi tong epwe awora enen pwúlúwan we me aúcheani?

• 

  Ifa usun emén fefin mi tong epwe pwári an enletin meniniti pwúlúwan we?

• 

  Ifa usun ekkewe sam me in mi tong repwe fótukalong lón ekiekin néúr kewe ewe Kapasen Kot?