ELIPWÁKÉCHUK LÓN ANGANGEN AFALAFAL | ALAPAALÓ ÓM PWAPWA LÓN EWE ANGANGEN AFALAFAL
Etiwa Álillis Seni Pwiich Kewe
Jiowa a awora ngenikich álillis me ren pwiich kewe Chón Kraist. (1Pe 5:9) Ra tongeni álisikich lón ach angangen afalafal pwe sipwe sópwéch. Áwewe chék, ewe aposel Paulus a kúna álillis seni Akwila me Prisila, Silas, Timoty, me pwal ekkewe ekkóch.—Föf 18:1-5.
Ifa usun chienom lón ewe angangen afalafal ra tongeni álisuk? Ra tongeni áiti ngonuk ekkóch kapasen emmwen mi álilliséch epwe álisuk le pworacho ngeni kapasen eppet, liwiniti ekkewe mi mochen aúseling, are káé ngeni aramas. Ekieki ié me lón óm we mwichefel a tongeni álisuk, mwirin tingorei an álillis. Ese fókkun wor tipemwaramwar pwe ámi me rúúemén oua tongeni kúna feiéch seni, me oupwe meefi pwapwa.—Fp 1:25.
KATOL EI VIDEO EXPERIENCE THE JOY OF DISCIPLE-MAKING—ACCEPT JEHOVAH’S HELP—OUR BROTHERS, MWIRIN PÉLÚWENI EKKEEI KAPAS EIS:
Ifa usun Neeta a pesei Jade an epwe fiti ach kewe mwich?
Pwata a lamot sipwe etiwa pwal ekkóch chón afalafal ar repwe fitikich le káé ngeni néúch chón káé?
Chón ewe mwichefel ra álillisfengen le álisi emén le wiliti Chón Kraist
Met Jade me Abigay ra taitap wóón le sani?
Met sia tongeni káé seni tufichin pwiich kewe lón ewe angangen afalafal?