Álisi Chón Káé Ar Repwe Ámááraatá Pwisin Ar Riri Ngeni Jiowa

Jiowa a mochen sipwe angang ngeni pokiten ach tongei. (Mat 22:37, 38) Tong ngeni Kot ina met epwe apworai ekkewe chón káé ar repwe féri siwil lón manawer me tipeppós atun ra kúna sóssót. (1Jo 5:3) Ar tongei Kot epwe amwékútúúr ar repwe papatais.

Álisi noum kewe chón káé le kúna pwe Kot a tongeer. Eáni ekkeei esin kapas eis: “Met ei lesen a áiti ngonuk usun Jiowa?” are “Ifa usun ei mettóch a áiti ngonuk pwe Kot a tongeok?” Álisiir le mirititi ifa usun Jiowa a kan ákkálisiir. (2Kr 16:9) Apwóróusa ngeniir ifa usun Jiowa a pélúweni óm kewe iótek mi tichik me peseer ar repwe mirititi ifa usun Jiowa a pwal pélúweni ar kewe iótek. Sia fókkun pwapwa ach kúna ifa usun néúch kewe chón káé ra aúcheani án Jiowa tong ngeniir me pwári ar pacheéch ngeni i.

KATOL EI VIDEO HELP YOUR BIBLE STUDENTS TO DEVELOP A PERSONAL RELATIONSHIP WITH JEHOVAH, MWIRIN PÉLÚWENI EKKEEI KAPAS EIS:

• 

  Met sókkun sóssót Jade a kúna?

• 

  Ifa usun Neeta a álisi Jade?

• 

  Met a álisi Jade le pworacho ngeni ewe sóssót?