Fós Usun Pwóróusen Leeniom lón Óm Afalafal

Jesus a fós usun minne a fiffis lón an we fansoun pwe epwe eú alen an asukula aramas. (Luk 13:1-5) Ka pwal tongeni fós usun pwóróusen met mi fiffis lón leeniom pwe aramas repwe mochen rong pwóróusen Mwúún Kot. Ka tongeni poputá le fós usun kekiitáán méén pisek, eú feiengaw watte, osukosuken fénú, umwesimwesin drugs, me pwal ekkóch mettóch. Mwirin ka tongeni eisini: “Óm lúkú epwe wesiló ei . . . ?” are “Me reom, met epwe pwákini ei . . . ?” Mwirin áiti ngeni eú wokisin seni Paipel mi weneiti met ewe ka fósun. Ika ewe emén a mochen aúseling, fichi ngeni eché video are áiti ngeni eú puk seni ach we Pwórun Asukul. Lón ach achocho le chúngú letipen aramas lón leeniach, amwo sipwe achocho pwe sipwe féri ‘mettoch meinisin fänäsengesin ewe Pworausen Manau.’​—1Ko 9:22, 23.

Met sókkun pwóróus aramas lón leeniom we repwe sani le rong?