PWÓRÓUS AÚCHEA SENI KAPASEN KOT

Sia Enletin Pennúkú Mettóch Atun Sia Fang?

Tafit a kewis an epwe aúetá eú rongen asor wóón án Arauna we leenien umwun wiich (2Sa 24:18)

Arauna a mochen ngeni Tafit ewe fénú me pwal man fán iten asor (2Sa 24:21-23)

Tafit ese mochen eáni asor ekkewe mettóch esap mééni (2Sa 24:24, 25; it-1 146)

Fitu sasing: Alen ach sipwe tongeni awora asor. 1. Pwiich kewe ra álillis lón ewe angangen kaúún Leenien Mwich. 2. Emén chinnap fefin Chón Kraist a waalong an asor lón ewe pwórun asor. 3. Eú pean pwúpwúlú ra afalafal ren ar áeá ewe waa mi ékúna ngeni aramas ekkewe puk. 4. Pwiich kewe ra álillis atun eú feiengaw watte.

Jiowa a pwapwa atun sia tipemecheres le fangóló ach fansoun, ach péchékkúl, me minne a wor rech ren ach sipwe álisatá angangen ewe Mwú. (w12 1/1 20 ¶8) Met ekkewe ka mochen isetiw óm kopwe achocho ngeniir repwe alapaaló óm asoren mwareiti Kot?—Ip 13:15.