Minen Álillis lón ewe Puk Eáni Manaw mi Pwapwa!

Ka sani ekkewe video me kapas eis lón ei puk Eáni Manaw mi Pwapwa!? Nge ka pwal sani ekkewe kinikin ren choweán “Ekkóch Ra Erá,” “Achocho Ngeni,” me “Pwal Ekkóch Pwóróus”? Menni kinikin lón ena puk a tongeni álilliséch ngonuk atun óm káé ngeni emén ewe Paipel?​—Mat 28:19, 20.

Media: Ika ka sani le káé ngeni emén lón puk mi print, iwe ifa usun kopwe kúna meinisin ekkewe video are pwóróus mi record? Kopwe suuki ena puk wóón noum device, ttiki eú me lein ekkewe rúáánú kinikin. Iwe, epwe pwá meinisin itelapen ekkewe lesen, nge fachikin, kopwe ttiki Media pwe kopwe kúna meinisin ekkewe video are pwóróus mi record. (Ppii sasing 1.)

“Printed Edition”: Ka tongeni áeá ei minen álillis “Printed Edition,” atun ka káé ngeni emén nge ka néúnéú ewe puk wóón noum device. Atun ámi káéfengen, kopwe ttiki ekkewe úlúféú tikitik mi nóm asan, mwirin, ttiki “Printed Edition.” Ena epwe pwár ngonuk unusen napanapen ewe lesen lón ewe puk, iwe epwe álisuk le kúna ifa usun ewe kinikin oua kákkáé a riri ngeni met unusen ewe lesen a menlapei. Ren óm kopwe liwiniti ewe digital edition, ttiki sefál ekkewe úlúféú tikitik, iwe mwirin ttiki “Digital Edition.”

“Ua Mmólnetá?”: Ekkeei pwóór ra nóm arapakkan lesópwólóón ei puk ra eiteitaatiw ekkewe mettóch emén epwe féri ren an epwe fich ngeni an epwe fiti chón ewe mwichefel le afalafal me papatais. (Ppii sasing 2.)

Sópwósópwun Pwóróus: Ei kinikin a nóm lesópwólóón “Kinikin 4” lón ei puk. A masou ren áweween ekkóch pwóróus mi lamot. Ewe puk lón device a wor ewe link lesópwólóón eú me eú sópwósópwun pwóróus, pwe ka tongeni ttiki me liwiniti ewe lesen oua pwóróusfengen wóón. (Ppii sasing 2.)