MANAWEN CHÓN KRAIST
Eáni án Jiowa Ekiek Usun Pwisinkich
“Ewe Samol mi Lapalap a pwapwaäsini nöün aramas.” (Kf 149:4) Inaamwo ika sise unuséch, nge Jiowa a kúna napanapach kewe mi múrinné me ekkewe tufich sia tongeni eáni lón mwach. Nge fán ekkóch, a weires ach sipwe kúna ekkewe napanap mi múrinné a nóm rech. Neman sia fiu ngeni ewe memmeefin ese wor aúcheach pokiten féfférún ekkewe ekkóch ngenikich. Are ika sia nefótófót wóón ach kewe mwáál me lóóm, neman sia tipemwaramwar ika Jiowa a enletin tongekich. Met a tongeni álisikich ika sia meefi ekkena esin memmeef?
Chemeni pwe Jiowa a kúna met aramas rese tongeni kúna. (1Sa 16:7) Weween, a pwal mwo nge kúna minne sise tufichin kúna usun pwisinkich. Sia kilisou pwe ewe Paipel a álisikich le weweiti met Jiowa a eáni ekiek usuch. Sia tongeni weweiti ena atun sia álleani ewe Paipel me ekkewe pwóróus lón mi pwári úkúkún án Jiowa tongei néún kewe aramas.
KATOL EI VIDEO PERSUADE YOUR HEART BEFORE JEHOVAH, MWIRIN PÉLÚWENI EKKEEI KAPAS EIS:
Ifa usun ewe kapas áwewe usun emén chón ssá me seman we a áiti ngenikich met án Jiowa ekiek usuch?
Ika emén a féri eú tipis mi chou nge a féri met a lamot an epwe liwiniti Jiowa, ifa usun epwe lúkú pwe Kot a fen omusaaló tipisin me a etiwasefáli?—1Jo 3:19, 20
Ifa usun ewe Chón Kraist mwán a kúna álillisin an álleani me ekilonei pwóróusen Tafit me Jehosafat?