Met Kopwe Achocho Ngeni lón Ei Mineféén Service Ier?

Sia achocho le féri ekkóch angang lón pekin ngún pwe sipwe tongeni alapaaló ach angang ngeni Jiowa me apwapwaai i. Ewe fansoun me péchékkúl sia áeá le tikeri met sia achocho ngeni ese lamotongaw nge epwe atoto feiéch me pwal álisikich le feffeitá lón ewe enlet. (1Ti 4:15) Pwata a lamot ach sipwe ekketittina ekkewe mettóch sia mochen achocho ngeniir? Pún a kan sissiwil nónnómuch. Áwewe chék, eli iei ese chúen kii rech met ewe sia mochen achocho le tikeri, are sia fen tikeri. Iwe sia tongeni isetiw pwal eú mettóch sipwe achocho ngeni.

Me mwen poputáán eú mineféén service ier, ina eú atun a mmen éch ach sipwe etittina ekkewe mettóch sia mochen achocho le tikeriir. Oua tongeni pwóróusfengen wóón ena atun ámi famili fel? Oua tongeni isetiw met chón ámi we famili repwe achocho ngeni, me pwal met emén me emén epwe pwisin achocho ngeni lón manawan.

Ka tongeni tichikietiw met ka ekiekin achocho ngeni mi weneiti masouen ewe pwóór, me met kopwe féri ren óm kopwe tikeriir?