Rúúemén King mi Okkuffengen lón ewe Fansoun Sópwólóón
Ekkóch ekkewe oesini mi mak lón ei chart ra áweweei ekkewe mettóch mi fisippék. Meinisin ra ánnetatá pwe sia manaw lón ewe “fansoun sopolan.”—Tan. 12:4.
Wokisin Pwär. 11:7; 12:13, 17; 13:1-8, 12
Oesini “Ewe manmwacho” a nemeni aramasen fénúfan lap seni 3,000 ier. Lón ewe fansoun sópwólóón, a kinás efisuen mékúran we. Mwirin kinásan a móló, me “unusen chon fanüfan” ra tapweló mwirin ewe manmwacho. Satan a néúnéú le “fiu ngeni lusun mwirimwirin kewe.”
Pwénútáán Mwirin ewe Noter, mwú mi oputa Jiowa ra fen nemeni aramas. Lap seni 3,000 ier mwirin, atun ewe Áeúin Maunen Fénúfan, a fókkun apwangapwangoló nemenemen Britain. A péchékkúlsefál lupwen Merika a fiti. Satan a áeá mwú meinisin le eriáfféwúmwááli néún Kot aramas, ákkáeúin atun ekkewe ránin lesópwólóón.
Wokisin Tan. 11:25-45
Oesini Okkuffengen lefilen ewe kingen efeng me ewe kingen éér atun fansoun sópwólóón.
Pwénútáán Tois a maun ngeni Britain me Merika. Lón 1945 Soviet Union me chienan kewe ra wiliti ewe kingen efeng. Lón 1991 a tatiw ewe mwúún Soviet Union, me mwirin Russia me chienan kewe ra wiliti ewe kingen efeng.
Wokisin Ais. 61:1; Mal. 3:1; Luk. 4:18
Oesini Jiowa a tinaató néún we “chon künö pwe epwe amolätä efoch al” mwen fférútáán ewe Mwúún Messaia. Ena kúmi a “aronga ngeni chon mwelele pworausen manau.”
Pwénútáán Seni 1870, C. T. Russell me chienan kewe ra fókkun káé Paipel pwe repwe silei ewe enlet. Lón 1881, ra poputá le menlapei lamoten án néún Kot kewe aramas repwe afalafal. Ra peresei ekkewe lesen ren choweán “Wanted 1,000 Preachers” me “Anointed to Preach.”
Wokisin Mat. 13:24-30, 36-43
Oesini Emén chón oput a amwora pwikil mi ngaw lein ekkewe wiich, ra máárfengen, mwirin ekkewe petewelingaw ra pwélúoló ekkewe wiich. Atun ráás, repwe áimuni ekkewe petewelingaw seni ekkewe wiich.
Pwénútáán Seni 1870, a ffatoló sókkofesenin Chón Kraist mi enlet me ekkewe tipitipin Chón Kraist. Atun ewe fansoun sópwólóón ra kochufengen ekkewe Chón Kraist mi enlet me imu seni tipitipin Chón Kraist.
Wokisin Tan. 2:31-33, 41-43
Oesini Ululun aramas mi ffér seni sókkopaten mechá, apachapachan a ffér seni mechá me pwúl.
Pwénútáán Pwúl a liosuetá aramas tekison mi nóm fán nemenien Britain me Merika nge a ú ngeni ekkena mwú. Pokiten ekkena aramas, a apwangapwangoló án ekkena mwú péchékkúlen nemenem.
Wokisin Mat. 13:30; 24:14, 45; 28:19, 20
Oesini “Ekewe wiich” ra kochufengen lón eú “lenien iseis.” Ewe “chon angang mi allükülük o tipachem” a kefil le túmúnú ekkewe “chon angang.” Angangen afalafala ewe “Pworausen Manau usun ewe Mwün Kot” a chéúfetál “won unusen fanüfan.”
Pwénútáán Lón 1919 Kot a filatá ewe chón angang mi alúkúlúk le túmúnú néún aramas. Seni ena atun, a lapóló án ekkewe Chón Káé Paipel afalafal. Iei, Chón Pwáraatá ra afalafal lón lap seni 200 fénú, me a peres puken álillisin Paipel lón lap seni 1,000 fós.
Wokisin Tan. 12:11; Pwär. 13:11, 14, 15
Oesini Emén manmwacho mi wor ruuofóch mecháán a emmweni fférún “uluulun ewe aemanün manmwacho,” me a “ngaseralong manau lon.”
Pwénútáán Britain me Merika ra poputááni ewe League of Nations. Ekkóch fénú ra pwal fiti. Ló, ló, ló, ewe kingen efeng a pwal fiti seni chék 1926 tori 1933. Aramas ra lúkú pwe ewe League of Nations a tongeni atoto kinamwe wóón fénúfan, nge Kot chék a tongeni féri ena. Aramas ra pwal lúkú ena usun United Nations (UN).
Wokisin Tan. 8:23, 24
Oesini Emén king mi fókkun pwora, “ataian me afeiengauean epwe fokun amairü.”
Pwénútáán Britain me Merika ewe mi péchékkúl lap seni meinisin, ra nieló chómmóng me efisi watteen kata. Áwewe chék, atun ewe Oruuen Maunen Fénúfan, Merika a oturatiw rúúeféú kensi pakutang wóón eú fénú mi oputer me Britain, iwe efeiengawan ese wor táppin.
Wokisin Tan. 11:31; Pwär. 17:3, 7-11
Oesini Ewe manmwacho “mi par” mi wor engol mecháán a feitá seni ewe pwaang mi alóllóól me i ewe awaliménnún king. Puken Taniel a fósun ei king pwe “eu mettoch mi fokun anioput epwe afisätä feiengau.”
Pwénútáán Atun ewe Oruuen Maunen Fénúfan, a wes ewe League of Nations. Mwirin ena maun, ra “anomu” UN. Usun chék ewe League of Nations, aramas ra ngeni UN ewe ling mi fich ngeni Mwúún Kot. UN epwe maunei lamalam.
Wokisin 1 Tes. 5:3; Pwär. 17:16
Oesini Mwúún aramas repwe apasa “mettoch meinisin a kinamwe o nükünüköch,” me “ekewe engol mächä,” me ewe “manmwacho” repwe maunei ewe “fin lisowu” me amóeló. Mwirin, mwúún aramas repwe kataló.
Pwénútáán Mwúún aramas repwe apasa pwe ra atoto kinamwe me núkúnúkéch. Mwirin ekkewe mwú mi peni UN repwe ataieló mwicheichen lamalam chofona. Ina poputáán ewe riáfféú mi lapalap. Ena riáfféú epwe wesiló ren katalóón unusen ótóten ei fénúfan lón Armaketon.
Wokisin Is. 38:11, 14-17; Mat. 24:31.
Oesini Kok a maunei fénúen néún Kot kewe aramas. Mwirin, ekkewe chónláng repwe ‘amwichafengeni afilien’ Kot kewe.
Pwénútáán Ewe kingen efeng fitifengen me mwúún aramas meinisin repwe maunei néún Kot aramas. Mwirin poputáán ar mauner, ekkewe lusun mi kepit repwe kochufengen lón láng.
Wokisin Is. 38:18-23; Tan. 2:34, 35, 44, 45; Pwär. 6:2; 16:14, 16; 17:14; 19:20
Oesini “Ewe mi mot won” ewe “oris mi pwechepwech” a unusen “win” ren an ataieló Kok me néún mwichen soufiu. “Ewe manmwacho” a “koturmanauolong lon ewe nomun ekkei” me ewe ululun aramas mi watte a tatakkis.
Pwénútáán Jesus kingen án Kot we Mwú epwe seláni néún Kot kewe aramas. Jesus, ekkewe 144,000 me ekkewe chónláng repwe ataieló mwicheichen mwúún aramas. Ina sópwólóón án Satan we ótót.