Likiitú Ngeni Pwúngúngaw

Álleani Keneses 37:​23-28; 39:​17-23 pwe kopwe káé seni pwóróusen án Josef likiitú ngeni pwúngúngaw.

Etittina unusen ewe pwóróus. Pwata ekkewe ekkóch ra kirikiringaw ngeni Josef? (Ken. 37:​3-11; 39:​1, 6-10) Ifa úkúúkún ttamen án Josef likiitú fán pwúngúngaw? (Ken. 37:2; 41:46) Lón ena fansoun, met Jiowa a féri fán iten Josef, me met ese féri?—Ken. 39:​2, 21; w23.01 17 ¶13.

Kúttafichi. Inaamwo iká mi mwaken met ekkewe pwúlúwen Potifar we a apasa ussun Josef, nge ewe Paipel ese apasa pwe Josef a etipisi ren an kapas mwaken. Ifa ussun ekkeei wokisin ra tongeni álisikich le ekieki ewe popun Josef a filaatá an epwe chék fanafaneló are pwata sisap ekieki pwe epwe affat unusen tichikin pwóróusan? (SalF. 20:2; Jon 21:25; Féf. 21:37) Ikkefa ekkewe napanap neman a álisi Josef le likiitú ngeni pwúngúngaw?—Mik. 7:7; Luk 14:11; Jem. 1:​2, 3.

Ikkefa ekkewe lesen? Pwisin eisinuk:

• ‘Met sókkun féfférún pwúngúngaw a tongeni toriei pokiten ngang emén néún Jises chón káé?’ (Luk 21:​12, 16, 17; Ipru 10:​33, 34)

• ‘Met úa tongeni féri lón ei fansoun epwe álisiei le likiitú ngeni pwúngúngaw?’ (Kölf. 62:​7, 8; 105:​17-19; w19.07 2-7)