Footnote

a Ekkóch inelap ra riáfféú ren eú semmwen mi efisi ar sókkuk mwirin ar néúnéú, iwe pokiten ena, a áweiresi ar repwe riri ngeni néúr kewe upwufé. Iwe nge, resap ekieki pwe tipisiir. Me ren ewe U.S. National Institute of Mental Health, ena semmwen “neman a fis pokiten och mettóch mi riri ngeni péchékkúlen inisin me meefien ewe inelap . . . nge saminne a fis pokiten minne ewe inelap a féri are minne ese féri.” Ren pwal och pwóróus usun ena, ppii ewe lesen mi kawor lón fósun Merika, itelap “Understanding Postpartum Depression” lón ewe Awake! minen June 8, 2003.